ಗ್ಯಾಸ್ಟ್ರಿಕ್ ಎಂಬುದು ಜಠರ ಉರಿತ, ಕಿರಿಕಿರಿ ಅಥವಾ ಹೊಟ್ಟೆಯ ಒಳಪದರದ ಸವೆತವು ಆಗಿದೆ. ಇದು ಇದಕ್ಕಿದ್ದಂತೆ ಅಥವಾ ದೀರ್ಘಕಾಲದಲ್ಲಿ ಉಲ್ಬಣಗೊಂಡು ಆರೋಗ್ಯ ಹಾನಿಯುಂಟುಮಾಡುತ್ತದೆ.
ಗ್ಯಾಸ್ಟ್ರಿಕ್ ಅತಿಯಾದ ಅಲ್ಕೋಹಾಲ್ ಬಳಕೆ, ದೀರ್ಘಕಾಲದ ವಾಂತಿ, ಒತ್ತಡ, ಅಸ್ಪಿರಿನ್ ನಂತಹ ಉರಿಯೂತದ ಔಷಧಗಳ ಸೇವನೆಯಿಂದ ಉಂಟಾಗುತ್ತದೆ. ಅಲ್ಲದೇ ಈ ಕೆಳಗಿನ ಕಾರಣಗಳಿಂದಲೂ ಗ್ಯಾಸ್ಟ್ರಿಕ್ ಉಂಟಾಗುತ್ತದೆ.
ಹೆಲಿಕೊಬ್ಯಾಕ್ಟರ್ ಪೈಲೊರಿ: ಈ ಒಂದು ಬ್ಯಾಕ್ಟ್ರೀರಿಯಾ ಹೊಟ್ಟೆಯ ಲೋಳ ಪದರದಲ್ಲಿ ವಾಸಿಸುತ್ತದೆ. ಇದಕ್ಕೆ ಯಾವುದೇ ಚಿಕಿತ್ಸೆ ನೀಡದಿದ್ದಲ್ಲಿ ಅಲ್ಸರ್ ರೋಗಕ್ಕೆ ಕಾರಣವಾಗಬಹುದು. ಇನ್ನೂ ಕೆಲವು ಜನರಿಗೆ ಹೆಚ್ಚಾದ ಗ್ಯಾಸ್ಟ್ರಿಕ್‌ನಿಂದ ಹೊಟ್ಟೆ ಕ್ಯಾನ್ಸರ್ ಬರಬಹುದು.
ಪಿತ್ತರಸದ ಹಿಮ್ಮುಖ: ಪಿತ್ತರಸದ ಕಂದರದಿಂದ ಪಿತ್ತರಸದ ಹಿಮ್ಮುಖ ಚಲನೆಯು ಗ್ಯಾಸ್ಟ್ರಿಕ್ ಗೆ ಕಾರಣವಾಗುತ್ತದೆ.
ಸೋಂಕು: ಬ್ಯಾಕ್ಟ್ರೀರಿಯಾ ಮತ್ತು ವೈರಸ್‌ಗಳಿಂದ ಉಂಟಾದ ಸೋಂಕಿನಿಂದಲೂ ಗ್ಯಾಸ್ಟ್ರಿಕ್ ಉಂಟಾಗುತ್ತದೆ.
ಹೊಟ್ಟೆಯ ಗ್ಯಾಸ್ಟ್ರಿಕ್‌ಸಮಸ್ಯೆಗೆ ಚಿಕಿತ್ಸೆ ನೀಡದೆ ಹಾಗೆ ಬಿಟ್ಟುಬಿಟ್ಟಲ್ಲಿ, ಇದರಿಂದ ಹಲವು ಸಮಸ್ಯೆಗಳು ಉಂಟಾಗುತ್ತದೆ. ರಕ್ತ ಹೀನತೆ ಮತ್ತು ಹೊಟ್ಟೆ ಕ್ಯಾನ್ಸರ್ ಹೆಚ್ಚಾಗುತ್ತಾಹೋಗುತ್ತದೆ.
ಹೊಟ್ಟೆ ಗ್ಯಾಸ್ಟ್ರಿಕ್‌ಲಕ್ಷಣಗಳು
ಗ್ಯಾಸ್ಟ್ರಿಕ್ ಸಮಸ್ಯೆ ಇದ್ದರೂ ಕೆಲವರಲ್ಲಿ ಯಾವುದೇ ಲಕ್ಷಣಗಳನ್ನು ಗುರುತಿಸಲು ಸಾಧ್ಯವಾಗುವುದಿಲ್ಲ. ಒಬ್ಬೊಬ್ಬರಿಗೆ ಒಂದೊಂದು ರೀತಿ ಲಕ್ಷಣಗಳು ಗ್ಯಾಸ್ಟ್ರಿಕ್ ಸಮಸ್ಯೆ ಇರುವಿಕೆಯನ್ನು ತಿಳಿಸುತ್ತವೆ. ಇಲ್ಲಿ ಸಾಮಾನ್ಯವಾದ ಗ್ಯಾಸ್ಟ್ರಿಕ್ ಸಮಸ್ಯೆಯ ಲಕ್ಷಣಗಳನ್ನು ನೀಡಲಾಗಿದೆ.
– ಊಟ ಸೇರದೆ ಇರುವುದು. ವಾಕರಿಕೆ, ಮರುಕಳಿಸುವ ಅಸಮಾಧಾನ ಹೊಟ್ಟೆ ನೋವು.
– ಕಿಬ್ಬೊಟ್ಟೆ ಉಬ್ಬುವುದು
– ಹೊಟ್ಟೆ ನೋವು
– ವಾಂತಿ
– ಅಜೀರ್ಣ
– ಊಟದ ಸಮಯದಲ್ಲಿ ಅಥವಾ ರಾತ್ರಿಯ ಹೊತ್ತಿನಲ್ಲಿ ಹೊಟ್ಟೆ ಕೊಳೆತ ಅಥವಾ ಹೊಟ್ಟೆ ಉರಿತ ಕಾಣಿಸಿಕೊಳ್ಳುವುದು
– ಬಿಕ್ಕಳಿಕೆ ಹೆಚ್ಚಾಗಿ ಕಾಡುವುದು
– ಹಸಿವೆ ಆಗದಿರುವುದು
– ರಕ್ತ ವಾಂತಿ ಆಗುವುದು ಅಥವಾ ಕಾಫಿಯ ಬಣ್ಣದ ವಾಂತಿ
– ಅಜೀರ್ಣತೆ ಹೆಚ್ಚು ಕಾಡುವುದು